गोरखापत्र अनलाइन
काठमाडौँ, साउन ३० गते । आगामी महिना इङ्ल्याण्डले अष्ट्रेलियासँग तीन टी ट्वान्टी र तीन अन्तर्राष्ट्रिय एक दिवसीय म्याच खेल्ने भएको छ । जुलाईका लागि निर्धारित उक्त श्रृङ्खला कोरोनाभाइरस महामारीले स्थगित भएपछि उक्त श्रृङ्खला आगामी महिना हुने गरी तय भएको हो ।
श्रृङ्खला खेल्न अष्ट्रेलियाली क्रिकेट टोली इङ्ल्याण्ड जानेछ । तीन वटै टी ट्वान्टी म्याच ४, ६ र आठ सेप्टेम्बरका दिन साउथम्पटनमा खेलाइनेछ । एमिरेट्स ओल्ड ट्राफोडले तीनवटै अन्तर्राष्ट्रिय एकदिवसीयको आयोजना गर्नेछ । पहिलो अन्तर्राष्ट्रिय एक दिवसीय ११ सेप्टेम्बरमा सुरु हुनेछ । दोस्रो एक दिवसीय खेल १३ सेप्टेम्बर र तेस्रो १६ सेप्टेम्बरमा हुनेछन् ।
त्यसअघि इङ्ल्याण्डले ओल्ड ट्राफोर्डमा पाकिस्तानविरुद्ध २८ र ३० अगष्ट तथा पहिलो सेप्टेम्बरका दिन गरी तीन एक दिवसीय म्याच खेल्नेछ ।
२०८१ मंसिर ९ आईतवार
