गोरखापत्र अनलाइन
काठमाडौं, कात्तिक २९ गते । लिभरपुलका फरवार्ड मोहम्मद सलह कोरोनाभाइरसबाट सङ्क्रमित हुनुभएको छ । इजिप्टमा रहनुभएका सलहमा परीक्षण गर्दा कोरोनाभाइरसको सङ्क्रमण पाइएको जनाइएको छ ।
इजिप्टियन फुटबल अशोसिएशनले शुक्रबार एक वक्तब्य जारी गर्दै २८ वर्षीय सलह सङ्क्रमित भएपनि उहाँमा कुनै लक्षण नदेखिएको जनाएको छ । पछि उसले सलहलाई दोस्रो पटक परीक्षण गर्दा पनि सङ्क्रमणको पुष्टि भएको जनाएको हो । टोलिका अन्य सदस्हरुको समेत परीक्षण गरिएकोमा अन्यको रिपोर्ट निगेटिभ आएको इएफएले उल्लेख गरेको छ ।
अफ्रिका कप अफ नेशन्समा इजिप्टले टोगोलाई आतिथ्य प्रदान गर्दैछ । शनिबार इजिप्टसँग टोगोले र मंगलबार टोगोमा गएर इजिप्टले अफ्रिका कप अफ नेशन्सको छनोट खेल खेल्नेछ ।
सलह हाल आइसोलेशनमा हुनुहुन्छ । उहाँले लिभरपुलको आगामी दुई खेलमा समेत सहभागी हुन सक्नुहुन्न । लिभरपुलले प्रिमियर लिगमा अर्को साताको आइतबार लेसेस्टरलाई आतिथ्य प्रदान गर्नेछ । अर्को बुधबार लिभरपुलले एनफिल्डमा एटलान्टाको सामना गर्नेछ ।
२०८१ मंसिर ९ आईतवार
