गोरखापत्र अनलाइन
काठमाडौं, मङ्सिर २ गते । नेपाल र बंगलादेशबीचको मैत्रीपूर्ण फुटबल सिरिजको दोस्रो खेल गोलरहित बराबरीमा टुंगिएको छ । पहिलो खेलमा २–० को हार बेहोरेको नेपालले दोस्रो खेलमा बंगलादेशलाई बराबरीमा रोक्न सफल भएपनि उपाधि आयोजक बंगलादेशले जितेको छ । नेपालले उपाधि हात पार्न दोस्रो खेलमा कम्तिमा २–० को गोल अन्तरले आयोजक बंगलादेशलाई हराउनु पर्ने थियो ।
पछिल्लो खेलभन्दा सुधारिएको प्रदर्शन गरेको नेपालले खेल अवधिभरि बल नियन्त्रणमा जोड दिएको थियो । केही आक्रमण बुनेपनि त्यसलाई गोलमा परिणत गर्न नेपाली टोली सफल हुन सकेन । खेलको सुरुवातमै तेस्रो मिनेटमा दर्शन गुरुङको फ्रिकिकलाई तेज तामाङले ३० यार्ड बाहिरबाट गरेको प्रयास बंगलादेशी गोलरक्षकले बचाए । बंगलादेशले गोलका लागि गरेको प्रयास नेपाली गोलरक्षक किरण चेम्जोङले असफल तुल्याउनुभयो ।
२०८१ मंसिर ९ आईतवार
