गोरखापत्र अनलाइन
काठमाडौं, मङ्सिर ३ गते । डोमिनिक थिम एटीपी टेनिस प्रतियोगिताको सेमीफाइनलमा पुग्नुभएको छ । अष्ट्रियाका थिमले राफल नाडललाई लगातार दुई सेटमा हराउनुभएको हो ।
लण्डनमा सम्पन्न खेलमा थिमले राफल नाडललाई ७–६(९–७) ७–६(७–४) ले हराउनुभयो । पहिलो सेटमा दुई अङ्कले अग्रता लिनुभएको नाडलले त्यसपछि प्रदर्शनलाई निरन्तरता दिन सक्नुभएन । स्टिफानोस सीटसिपासले आन्द्रे रब्लोभलाई हराउँदा थिम फाइनलमा पुग्न सहज भएको हो ।
डिफेन्डिङ च्याम्पियन स्टिफानोसले बिहीबार नाडलको सामना गर्नुहुनेछ । उक्त खेलको विजेताले सेमीफाइनलमा थिमसँग स्पर्धा गर्नेछ । गत् वर्ष सम्पन्न प्रतियोगिताको फाइनलमा स्टिफानोसले थिमलाई पराजित गर्नुभएको थियो ।
२०८१ मंसिर ९ आईतवार
