गोरखापत्र अनलाइन
काठमाडौं, मङ्सिर ४ गते । नेदरल्याण्ड्सले पोल्याण्डलाई हराएपनि नेशन्स लिगको फाइनल पुग्ने होडबाट बाहिरिएको छ । ए१ समूहकै अर्को खेलमा इटालीले बोस्निया हर्जगोभिनामाथि २–० को जित निकाल्दै नेशन्स लिगको फाइनलमा स्पेन, फ्रान्स र बेल्जियमसँग सामेल भएको छ । इटाली समूह ए१ को च्याम्पियन रहन गयो ।
लिभरपुलका जर्जिनो विज्नाल्डमले निर्णायक गोल गर्दा नेदरल्याण्ड्सले पोल्याण्डमाथि २–१ को जित निकाल्यो । यद्दपी जर्जिनोले गर्नुभएको निर्णायक गोल नेदरल्याण्ड्सलाई नेशन्स लिगको फाइनलमा स्थान सुनिश्ति गराउन अपर्याप्त भयो । कामिल जोविकले पोल्याण्डलाई सुरुवाती अग्रता दिलाउनुभयो । तर मेम्फिस डिपेले खेल सकिन १३ मिनेट बाँकी रहँदा नेदरल्याण्ड्सका लागि बराबरी गोल गर्दै खेल १–१ को बराबरीमा ल्याउनुभयो । जर्जिनोको हेडरले खेल नेदरल्याण्ड्सको पक्षमा पार्यो ।
आन्द्रे बेलोटि र डोमेनिको बेरार्दिले गोल गर्दा इटालीलाई बोस्निया हर्जगोभिनामाथि जित निकाल्य कडा मिहिनेत गर्नु परेन ।
२०८१ मंसिर ९ आईतवार
