गोरखापत्र अनलाइन
काठमाडौं, मंसिर १६ गते । अखिल नेपाल फुटबल संघ(एन्फा)ले आगामी संस्करणको शहीद मेमोरियल राष्ट्रिय लिगको आयोजनाको तयारी सुरु गरेको छ । एन्फाले राष्ट्रिय खेलकुद परिषद्का सदस्य सचिब रमेश सिलवाललाई लिगको स्वरुप र तयारीबारे जानकारी गराएको छ ।
एन्फा कम्प्लेक्स सातदोबाटोमा सोमबार अबेर आयोजित एक कार्यक्रममा एन्फाको लिग आयोजक समितिका निर्देशक संजिब मिश्रले लिगको तयारी सम्बन्धमा सदस्य सचिब सिलवाललाई जानकारी गराउनुभयो । एन्फा अध्यक्ष कर्मा छिरिङ शेर्पा, उपाध्यक्षहरु कृष्ण थापा, शिक्षित पराजुली, उपेन्द्रमान सिंह, महासचिब इन्द्रमान तुलाधर, परिषद् सदस्य हरि खड्का उक्त अवसरमा सहभागी हुनुहुन्थ्यो ।
एन्फा प्रबिधि विभागका प्रमुख समेत रहनुभएका उपाध्यक्ष उपेन्द्रमान सिंहले सिलवाललाई रणनीतिबारे प्रस्तुती राख्नुभएको थियो ।
२०८१ मंसिर ९ आईतवार
