गोरखापत्र अनलाइन
काठमाडौं, मंसिर २९ गते । कप्तान लियोनल मेस्सीको निर्णायक गोलको मद्दतले स्पेनिस ला लिगामा बार्सिलोनाले लेभान्टेमाथि जित हात पारेको छ । जितसँगै बार्सिलोना ११ खेलबाट १७ अङ्कसहित तालिकाको आठौं स्थानमा उक्लेको छ । लिगमा बार्सिलोनाको यो पाँचौं जित हो । जितसँगै ऊ दुई स्थान माथि उक्लेको छ ।
१३ खेलबाट १७ अङ्क बटुलेको रियल सोसिडाड शिर्ष स्थानमा छ । रियल सोसिडाडले ऐबरसँग १–१ को बराबरी खेलेर अङ्क बाँडेर एटलेटिको मड्रिडलाई दोस्रो स्थानमा धकेलेको छ ।
बार्सिलोनाका लागि मार्टिन ब्रैथवेट, क्लिमेन्ट लेन्गलेट, जोर्डी अल्बा र एन्टोनियो ग्रिजमेनले गोल गर्ने प्रयास गरेपनि उत्कृष्ट लयमा रहेका लेभान्टेका गोलरक्षक एन्टोनियो ग्रिजमनले सफल हुन दिएन । फ्रान्की डे जो)गको सहयोगमा मेस्सीले ७६ औं मिनेटमा गोलको दिशा दिदै बार्सिलोनाका लागि निर्णायक गोल गर्नुभयो ।
