सिरिजंघाको शिखरमाथि २–१ को जित

हरिप्रसाद कोइराला
पथरीशनिश्चरे–मोरङ, मङ्सिर ३०गते । सिरिजंघा फुटबल क्लवले पथरीशनिश्चरे प्रिमियर लिगको पाँचौं खेलमा शिखर फुटबल क्लव बिरूद्ध २–१ को जित हात पारेको छ । जितसँगै ऊ अङ्कतालिकाको शिर्ष स्थानमा उक्लिएको छ । आजको जितसँगै सिरिजंघाले दुई खेलबाट ६ अङ्क बटुलेको छ । सिरिजंघाको जितमा ४९ ओै मिनेटमा मन्जिल खड्काले पहिलो गोल गर्नुभयो । डिबक्स भित्र सुवास तामाङले दिएको बललाई नियन्त्रणमा लिएर मन्जिलले गोलको दिशा दिनुभयो ।
खेलको ५९ ओै मिनेटमा सिरिजंघाका दिलकुमार याक्सोलाई शिखरका ३ जना खेलाडीले ट्याकल गरेर लडाएपछि सिरिजंघाले डिबक्सकै छेउबाट फ्रिकिक हान्ने अबसर पायो । जहमान चेम्जोङले प्रहार गर्नु भएको फ्रिकिक गोलमा परिणत भए पछि शिखर फुटबल क्लब थप दवावमा परेको थियो । खेलको ७९ औं मिनेटमा शिखर फुटबल क्लबका सौरज राउतले १ गोल फर्काउनु भयो । यद्यपि उक्त गोले शिखरको हार टार्न सकेन । १७ ओै मिनेटमा शिखरका निरज परियारको हेड गोल किपर अशोक खत्रीबाट उत्कृष्ट बचाउ भयो । ५३ ओै मिनेटमा सिरिजंघाका दिलकुमार याक्सोले मध्यभागबाट एक्लै बढाएको बल गोलमा परिणत हुन सकेन । पथरीशनिश्चरे प्रिमियर लिग फुटबल प्रतियोगिता अन्तर्गत आजको खेलमा शिरिजंघा फुटबल क्लबका जहरमान चेम्जोङ म्यान अफ द म्याच घोषित हुनुभयो । भोलि नवोदयले वाइजीएफटीको सामना गर्नेछ ।