हरिप्रसाद कोइराला
पथरीशनिश्चरे, मोरङ, पुस १ गते । घनश्याम चौहानले खेलको १६ ओैं मिनेटमा गर्नुभएको एक मात्र गोलको सहयोगले नवोदय फुटबल क्लव विजयी भएको छ । मोरङको पथरीमा जारी पथरीशनिश्चरे प्रिमियर लिग अन्तर्गत बुधबार सम्पन्न खेलमा नवोदयले वाइजीएफटीलाई हराएको हो । आजको जीतसँगै नवोदयले ६ अंक जोड्दै समुह बी को शीर्ष स्थानमा उक्लिएको छ ।
वाइजीएफटीका गोलरक्षक चेतन खतिवडाको हातबाट फुत्किएको बललाई घनश्यामले नियन्त्रणमा लिएर जाली चुमाउनुभयो । आजको खेलको म्यान अफ द म्याच नवोदयका गोल रक्षक अर्जुन बस्नेत घोषित हुनुभयो । बिहीबार रियल ब्रदर्स र देवीगञ्ज फुटबल क्लबबीच खेल हुनेछ ।
२०८१ मंसिर ९ आईतवार
