गोरखापत्र अनलाइन
काठमाडौं, पुस २ गते । रोबर्टो फिरमिनोले अन्तिम मिनेटमा गोल गरेपछि लिभरपुलले टोटेनहम हस्टर्सपरमाथि २–१ को जित हात पारेको छ । जितसँगै लिभरपुल प्रिमियर लिगको अङ्कतालिकामा शिर्ष स्थानमा उक्लेको छ ।
एनफिल्डमा लिभरपुललाई १–१ को बराबरीमा रोकेको टोटेनहमले अन्तिम मिनेटमा सम्हालिन नसक्दा एन्ड्रयु रोबर्टसनको कर्नरमा फिरमिनोले हेडरमार्फत् स्पर्सका गोलरक्षक ह्युगो लोरिसलाई छल्दै गोलको दिशा दिनुभयो । लिभरपुलले मोहम्मद सलहको गोलमा खेलको पहिलो हाफको २६ औं मिनेटमै अग्रता कायम गरेको थियो । तर सात मिनेटपछि नै सोन हिउङ्गले अलिस्सोनलाई छल्दै गोल गरेपछि टोटेनहम १–१ को बराबरी गर्न सफल भयो ।
लिभरपुल अङ्कतालिकामा १३ खेलबाट २८ अङ्क बटुलेर शिर्ष स्थानमा उक्लेको छ । दोस्रो स्थानको टोटेनहमको १३ खेलबाट २५ अङ्क छ । साउथम्पटन र लिसेस्टर सामान २४ अङ्कसहित तेस्रो र चौथो स्थानमा छन् । इभर्टन भने २३ अङ्कसहित पाँचौं स्थानमा छ ।
