गोरखापत्र अनलाइन
काठमाडौं, पुस ६ गते । सिरी ए मा एसी मिलानका राफेल लिआओले सबैभन्दा छिटो गोल गर्ने कीर्तिमान बनाउनुभएको छ । आइतबार राति सिरी ए अन्तगर्त ससुलो विरुद्धको खेलमा एसी मिलानका राफेल लिआओले खेल सुरु भएको छ सेकेण्डमै गोल गर्दै कीर्तिमान बनाउनुभएको हो ।
राफेलले सन् २००१ को डिसेम्बर २ मा पिसेन्जाका पाओलो पोगीको कीर्तिमान भङ्ग गर्नुभयो । पोगीले फिओरेन्टिना विरुद्ध खेल सुरु भएको ८.९ सेकेण्डमा गोल गर्नुभएको थियो । पोर्चुगलका २१ वर्षीय फरवार्ड लिआओले हेकन काल्हनोग्लुको पासलाई गोलको दिशा दिनुभयो । उक्त खेलमा एसी मिलानले ससुलोमाथि २–१ को जित हात पार्यो ।
जितसँगै एसी मिलानले अङ्कतालिकाको शिर्ष स्थानमा यथावत छ । इन्टर मिलानले स्पेजियालाई २–१ ले हराउँदै ३० अङ्कसहित दोस्रो स्थानमा छ । ऊ एसी मिलानभन्दा एक अङ्कले पछाडि छ ।
