गोरखापत्र अनलाइन
काठमाडौं, पुस ७ गते । चेल्सीले प्रिमियर लिग अन्तर्गत गए राति सम्पन्न खेलमा वेष्टहम यूनाइटेडलाई ३–० ले हराएको छ । जितसँगै चेल्सी प्रिमियर लिग अङ्कतालिकाको पाँचौं स्थानमा उक्लेको छ ।
चेल्सीका लागि टेमी अब्राहमले दुई गोल गर्नुभयो । थिएगो सिल्भाले खेल सुरु भएको दशौं मिनेटमा पहिलो गोल गर्दै चेल्सीलाई १–० को अग्रता दिलाउनुभयो । सिल्भाले हेडरमार्फत् गोल गर्नुभयो । ७८ औं मिनेटमा अब्राहमले टिमो वेर्नरको पासलाई गोलको दिशा दिंदै खेल २–० को स्थितिमा पुर्याउनुभयो । दोस्रो गोल भएको दुई मिनेट नबित्दै अब्राहमले चेल्सीका लागि तेस्रो तथा ब्यक्तिगत् दोस्रो गोल थप्नुभयो र चेल्सीको ३–० को जित सुनिश्चित गर्नुभयो ।
जितसँगै चेल्सी चौथो स्थानको एभर्टनभन्दा एक अङ्क तल २५ अङ्क पुर्याउँदै पाँचौ स्थानमा उक्लेको छ । वेष्टहम भने २१ अङ्कसहित दशौं स्थानमा छ । पहिलो स्थानको लिभरपुलको ३१ तथा दोस्रो स्थानको लेसेष्टरको २७ र तेस्रो स्थानको म्यान्चेष्टर यूनाइटेडको २६ अङ्क छ ।
२०८१ मंसिर ९ आईतवार
