गेरखापत्र अनलाइन
कठमाडौं, पुस ८ गते । बार्सिलोनाका फरवार्ड लियोनल मेस्सीले फुटबलका महान हस्ती पेलेको कीर्तिमान भङ्ग गर्नुभएको छ । स्पेनिस ला लिगामा उहाँले बार्सिलोनाका लागि ६४४ औं गोल गर्दै कुनै एक क्लबका लागि पेलेले गर्नुभएको सबैभन्दा बढी गोलको कीर्तिमान मेस्सीले भङ्ग गरेका हुन् ।
बार्सिलोनाले उक्त खेलमा रियल भालाडोलिडमाथि ३–० को जित हात पार्यो । ३३ वर्षीय मेस्सीले खेलको ६५ औं मिनेटमा गोल गर्दा बार्सिलोनाले भालाडोलिडमाथि ३–० को अग्रता बनाउन सफल भयो । मेस्सीको क्रसलाई क्लिमेन्ट लेन्गलेटले गोलको दिशा दिएपछि बार्सिलोनाले १–० को अग्रता लिएको थियो । मार्टिन ब्रेथवैटले मेस्सीले सुरु गर्नुभएको प्रहारलाई गोलको दिशा दिँदै बार्सिलोनाको अग्रता २–० बनाउनुभयो ।
ब्राजिली महान फुटबलर पेलेले सान्टोसका लागि १९ सिजनमा ६४३ गोल गर्नुभएको थियाे । उहाँ सन् १९५६ देखि १९७४ सम्म सान्टोसमा आबद्ध रहनुभयो । मेस्सीले सन् २००५ मा बार्सिलोनाका लागि पहिलो गोल गर्नुभएको थियो । मेस्सी बार्सिलोनामा आबद्ध रहँदा उनले दश ला लिगा र चार पटक च्याम्पियन्स लिगको उपाधि हात पारेका छन् ।
जीतसँगै बार्सिलोना २४ अङ्कसहित ला लिगाको पाँचौं स्थानमा यथावत छ । शीर्ष स्थानको एटलेटिको मड्रिडको २९ अङ्क छ ।
२०८१ मंसिर ९ आईतवार
