गोरखापत्र अनलाइन
काठमाडौं, पुस ९ गते । न्युजिल्याण्डका ओपनर ब्याट्सम्यान टिम सैफर्ट र तिब्र गतिका बलर टिम साउदी आफ्नो टी ट्वान्टी क्रिकेट जिवनकै उत्कृष्ट वरियतामा परेका छन् । दुबैजनाले पाकिस्तान विरुद्धको टी ट्वान्टीमा उत्कृष्ट प्रदर्शन गरेका थिए ।
सैफर्ट एकैचोटि २४ स्थान माथि उक्लिनुभएको छ । उहाँ टी ट्वान्टीको विश्व वरियताको नवौं स्थानमा हुनुहुन्छ । तीन म्याचको टी ट्वान्टीमा सैफर्टले १७६ बनाउनुभएको थियो । टिम साउदीले पाकिस्तान विरुद्धको टी ट्वान्टी श्रृखंलामा छ विकेट लिनुभएको थियो । उहाँ १३ औं स्थानबाट सातौं स्थानमा उक्लिनुभएको छ ।
तीन म्याचको टी ट्वान्टी श्रृखंला २–१ ले हारेको पाकिस्तानले तीन अङ्क गुमाएपनि चौथो स्थानमा यथावत् छ । न्युजिल्याण्डले तीन अङ्क बटलुेपनि छैठौं स्थानमा यथावत छ ।
२०८१ मंसिर ९ आईतवार
