गोरखापत्र अनलाइन
काठमाडौं, माघ १३ गते । नेपाल पुलिस क्लबले वालिङ नगरपालिकासँग बराबरी खेलेको छ । मंगलबार सम्पन्न पहिलो खेलमा वालिङले नेपाल पुलिसलाई १–१ को बराबरीमा रोकेको हो ।
पहिलो हाफ गोलरहित बराबरीमा सकिएपछि दुबै टोलिले दोस्रो हाफको सुरुदेखि गोल गर्ने प्रयासलाई तीव्र बनाएको थियो । तर ५२ औं मिनेटमा मात्रै वालिङले क्यामरुनकी मेथो इलुडाइ रुथको गोलबाट खेलमा १–० को अग्रता लियो । तर रेखा पौडेलले उक्त अग्रतालाई लामो समय टिक्न दिनुभएन । उहाँले ६५ औं मिनेटमा पुलिसका लागि जवाबी गोल फर्काउँदै खेल १–१ को बराबरीमा ल्याउनुभयो ।
नेपाल पुलिसले बराबरीसँग अङ्क तालिकाको दोस्रो स्थानमा उक्लेको छ । उसको त्रिभुवन आर्मीभन्दा एक अङ्क माथि छ । त्रिभुवन आर्मीले आज हुने दोस्रो खेलमा एपीएफको सामना गर्नेछ ।
२०८१ मंसिर १० सोमवार
