गोरखापत्र अनलाइन
काठमाडौं, माघ १८ गते । आर्सनलले दोस्रो स्थानको म्यान्चेष्टर यूनाइटेडलाई गोलरहित बराबरीमा रोकेको छ । म्यान्चेष्टर यूनाइटेड पछिल्लो चार खेलमध्ये तेस्रो पटक गोलरहित बराबरी खेल्न बाध्य भएको हो ।
म्यान्चेष्टर यूनाइटेडका स्ट्राइकर एडिन्सन काभानीले दुई पटक गोल गर्ने उपयुक्त अबसर पाउनुभयो । तर उत्तरी लण्डनमा खेलिएको खेलमा आर्सनलले दुबै अवसरलाई विफल तुल्यायो । यूनाइटेडका गोलरक्षक देविड डे गीले इमाइल स्मिथ र निकोलास पेपेको प्रयासलाई विफल तुल्याउनुभयो ।
आर्सनलले घरेलु मैदान सधैं जितको अपेक्षा राखे पनि यूनाइटेडविरुद्धको खेलमा अङ्क बाँडे पनि सन्तोष जनाएको छ । प्रिमियर लिगको अङ्क तालिकामा म्यान्चेष्टर सिटी २० खेलबाट ४४ अङ्क बटुल्दै शीर्ष स्थानमा छन् । दोस्रो स्थानको यूनाइटेडले २१ खेलबाट ४१ अङ्क बटुलेको छ ।
