गोरखापत्र अनलाइन
काठमाडौं, माघ १८ गते । म्यान्चेष्टर सिटीले शेफिल्ड यूनाइटेडमाथि १–० को जित हात पारेको छ । जितसँगै सिटीले प्रिमियर लिगको अङ्कतालिकामा दोस्रो स्थानको म्यान्चेष्टर यूनाइटेडभन्दा तीन अङ्कको स्पष्ट अग्रता कायम गरेको छ । सिटीले यूनाइटेडभन्दा एक कम खेलेको छ ।
गेब्रेल जिससले खेल सुरु भएको ९ औं मिनेटमै गोल गर्दै म्यान्चेष्टर सिटीलाई शेफिल्डमाथि १–० को अग्रता दिलाउनुभयो । सिटीले भने पछिल्लो १३ खेलमध्ये ११ मा जित हात पारेको छ । उसले लगातार पाँचौं खेल जितेको हो ।
इंग्ल्याण्डमा लगातार १२ खेलमा जित हात पार्ने टोलि आर्सनल हो । आर्सनलले सन् २००७ को अगष्ट र अक्टोबर महिनामा उक्त कीर्तिमान बनाएको थियो ।
पेप गार्डिओलाले आफ्नो प्रशिक्षणमा ६७३ खेलमध्ये पाँच सय औं जित दिलाउनुभयो ।
२०८१ मंसिर १० सोमवार
