गोरखापत्र अनलाइन
काठमाडौं, माघ २५ गते । एभर्टनले म्यान्चेष्टर यूनाइटेडलाई बराबरीमा रोकेको छ । गए राति सम्पन्न प्रिमियर लिग अन्तर्गतकाे खेलमा म्यान्चेष्टर यूनाइटेडलाई एभर्टनले ३–३ को बराबरीमा रोकेको हो ।
ओल्ड ट्राफोर्ड दुई पटक अग्रता कायम गरेको म्यान्चेष्टर यूनाइटेडलाई रोक्न एभर्टनले खेल सकिनुभन्दा ठीक अगाडि इन्ज्युरी समयमा गोल गर्दै बराबरीमा ल्यायो । एभर्टनसँग बराबरीमा रोकिएपछि म्यान्चेष्टर यूनाइटेड अङ्क तालिकामा शीर्षस्थानको म्यान्चेष्टर सिटीसँग अङ्क बराबरी गरी शीर्षस्थानमा उक्लिने अवसरबाट वञ्चित हुन गयो । सिटीले २१ खेलबाट ४७ अङ्क बटुलेको छ । यूनाइटेडले भने २३ खेलबाट ४५ अङ्क जोडेको हो । लेष्टर भने २२ खेलबाट ४२ तथा लिभरपुल २२ खेलबाट ४० अङ्क जोडेर चौथो स्थानमा छ ।
२०८१ मंसिर १० सोमवार
