गोरखापत्र अनलाइन
काठमाडौं, माघ २७ गते । आयरल्याण्ड र जिम्बाब्वेबीचको श्रृखंला स्थगित भएको छ । आयरल्याण्डले आगामी अप्रिल महिनामा जिम्बाब्वे भ्रमणको क्रममा तीन टी ट्वान्टी अन्तर्राष्ट्रिय र तीन अन्तर्राष्ट्रिय एकदिवसीय खेल्ने तय भएको थियो ।
जिम्बाब्वे क्रिकेटले अफ्रिकी महादेशमा कोभिड १९ सङ्क्रमितको संख्या वृद्धि हुँदै जाँदा तात्काललाई भ्रमण स्थगित गर्न सुझाव दिएपछि श्रृखंला स्थगित हुन पुगेको हो । आयरल्याण्डको टोली मार्च २८ मा हरारेका लागि प्रस्थान गर्ने तय भएको थियो । आयरल्याण्डले आगामी गर्मी मौसममा जिम्बाब्वेलाई आमन्त्रण गर्ने तालिका छ ।
आयरल्याण्ड क्रिकेटका निर्देशक रिचर्ड होल्ड्सवर्थले जिम्बाब्वे भ्रमणको विकल्प श्रृखंला खोजिरहेको बताउनुभएको छ । उहाँले आगामी अक्टोबर–नोभेम्बर महिनामा हुने टी ट्वान्टी विश्वकप क्रिकेट प्रतियोगितामा सहभागी हुनुपूर्व तयारी खेलका लागि विकल्प खोजिएको बताउनुभयो ।
२०८१ मंसिर १० सोमवार
