गोरखापत्र अनलाइन
काठमाडौं, फाल्गुन १ गते । क्रिकेट दक्षिण अफ्रिकाले आगामी अप्रिलमा पाकिस्तानले दक्षिण अफ्रिकाको भ्रमण गर्ने तय भएको जनाएको छ । अष्ट्रेलियाले बढ्दो कोभिडको जोखिमले दक्षिण अफ्रिका भ्रमण तालिका स्थगित गरेको थियो ।
पाकिस्तानले दक्षिण अफ्रिकामा तीन अन्तर्राष्ट्रिय एकदिबसीय र चार टी ट्वान्टी अन्तर्राष्ट्रिय खेल्नेछ । अप्रिल १ देखि १६ सम्म पाकिस्तान र दक्षिण अफ्रिकाबीचको श्रृखंला खेलाइनेछ । श्रृखंलाका खेलहरु वान्डरर्रस, जोहानसवर्ग र सेन्चुरियनमा हुनेछ ।
दक्षिण अफ्रिका हाल पाकिस्तान भ्रमणमा रहेको छ । उक्त भ्रमण सकिएको केही समयपछि मार्च २६ मा पाकिस्तान क्रिकेट टोलि दक्षिण अफ्रिका पुग्नेछ ।
क्रिकेट दक्षिण अफ्रिकाका निर्देशक ग्राहम स्मिथले छोटो समयमा नै पाकिस्तानले भ्रमणको सुनिश्चितता गरेकोमा धन्यवाद दिनुभएको छ ।
२०८१ मंसिर १० सोमवार
