गोरखापत्र अनलाइन
काठमाडौं, फाल्गुन ३ गते । रोमेलु लुकाकुले दुई गोल गरेपछि इन्टर मिलानले लाजिओमाथि जित हात पारेको छ । इटाली सिरी ए अन्तगर्त गए राति अबेर सम्पन्न खेलमा लाजिओलाई इन्टर मिलानले ३–१ ले हराएको हो ।
रोमेलु लुकाकुले २२ औं मिनेटमा पाउनुभएको पेनाल्टीलाई गोलमा परिणत गर्दै इन्टर मिलानलाई सुरुवाती अग्रता दिलाउनुभयो । हाफटाइम सकिन केही समय मात्रै बाँकी छँदा ४५ औं मिनेटमा गोल थप्दै उहाँले आफ्नो फुटबल जिवनको ३०० औं गोल पुरा गर्नुभयो । पहिलो हाफमा २–० को अग्रता लिएपनि दोस्रो हाफमा ६१ औं मिनेटमा लाजिओले गोल फर्काउँदै खेल २–१ को स्थितिमा ल्यायो । सब्स्टिच्युट गोञ्जालो इस्कालान्टेले घरेलु मैदानमा लाजिओको पुनरागमन गराएपनि उक्त गोल शान्त्वनामा सीमित रहन गयो ।
लुकाकुले ६४ औं मिनेटमा गोल थप्दै इन्टर मिलानको लाजिओमाथि ३–१ को जित सुनिश्चित गर्नुभयो । जितसँगै इन्टर मिलान अङ्कतालिकाको शीर्ष स्थानमा उक्लिन सफल भयो । सामान २२ खेलबाट इन्टर मिलानले प्रतिद्वन्दी एसी मिलानको ४९ अङ्कको अपेक्षा ५० अङ्क जोडेको छ । तेस्रो स्थानको रोमाको ४३ र चौथो स्थानको युभेन्ट्सको ४२ अङ्क छ ।
२०८१ मंसिर १० सोमवार
