गोरखापत्र अनलाइन
काठमाडौं, फाल्गुन ३ गते । रियल मड्रिडले भ्यालेन्सियामाथि २–० को जित हात पारेको छ । करिम बेञ्जिमाले जारी सिजनमा आफ्नो १७ औं गोल पुरा गर्नुभयो ।
स्पेनिस ला लिगा अन्तगर्त गए राति अबेर सम्पन्न खेलमा आयोजक रियल मड्रिडले पहिलो हाफको अधिकांश समय भ्यालेन्सियालाई नियन्त्रणमा राखेको थियो । करिम बेञ्जिमाले १२ औं मिनेटमा टोनी क्रूजको पासलाई गोलको दिशा दिदै भ्यालेन्सियामाथि १–० को अग्रता दिलाउनुभयो । पहिलो हाफ सकिन तीन मिनेट मात्रै बाँकी छँदा टोनी क्रूजले उक्त अग्रतालाई दोब्बर बनाउनुभयो ।
जितसँगै रियल मड्रिड शीर्ष स्थानको एटलेटिको मड्रिडभन्दा पाँच अङ्कको दूरी बनाउन सफल भएको छ । रियल मड्रिडभन्दा दुई खेल कम खेलेको शीर्ष स्थानको एटलेटिको मड्रिडको ५४ अङ्क छ । रियलभन्दा एक खेल कम खेलेको बार्सिलोनाको ४६ अङ्क छ ।
२०८१ मंसिर १० सोमवार
