गोरखापत्र अनलाइन
काठमाडौं, फाल्गुन ४ गते । भारत भ्रमणमा रहेको इंग्ल्याण्डले तेस्रो टेष्ट खेलका लागि सम्भाबित खेलाडीहरुको नाम सार्वजनिक गरेको छ । तेस्रो टेष्ट खेल आगामी बुधबार फाल्गुन १३ गतेबाट अहमदाबादमा खेलाइनेछ ।
पहिलो टेष्ट खेल २२७ रनले जितेको इंग्ल्याण्डको दोस्रो टेष्ट टोलिमा जोफ्रा आर्चर, जेम्स एन्डरसन लगायतका प्रमुख खेलाडीहरु अनुपस्थित हुनुभयो । जोफ्रा आर्चर घाइते भएर बाहिरिदा जेम्स एन्डरसनलाई आराम दिइएको थियो । जसले गर्दा इंग्ल्याण्ड टोलि ब्यवस्थापनको तीब्र आलोचना गरिएको थियो ।
तेस्रो टेष्टका लागि इंग्ल्याण्डले १६ सदस्यीय टोलिको नाम सार्वजनिक गरेको छ । टोलिमा जोई रुट, जेम्स एन्डरसन, जोफ्रा आर्चर, जोनी बैरिष्टो, डोमिनिक बेस्स, स्टुअर्ट ब्रोड, रोरी बर्नस, ज्याक क्राउली, बेन्न फोक्स, डान लौरेन्स, ज्याक लिच, ओली पोप, डम सिब्ली, ओली स्टोन, बेन्न स्टोक्स, क्रिस वक्स र मार्क ऊड हुनुहुन्छ ।
२०८१ मंसिर १० सोमवार
