गोरखापत्र अनलाइन
काठमाडौं, फाल्गुन ७ गते । इंग्ल्याण्डका अलराउन्डर साम कर्रन भारत विरुद्धको सीमित ओभरका लागि मात्रै उपलब्ध हुनुहुने भएको छ । टोलि ब्यवस्थापनले उहाँलाई चौथो टेष्टमा सहभागी हुने गरी इंग्ल्याण्डबाट प्रस्थान गर्ने ब्यवस्था गरेको थियो । तर ब्यवसायिक उडानमा भारत आउँदा क्वारेन्टिनमा बस्नुपर्ने भएकोले उहाँ सीमित ओभरको खेलका लागि चाटर्ड उडानमा मात्रै आउनुहुने भएको छ ।
२२ वर्षीय अलराउन्डर साम कर्रन इंग्ल्याण्डले श्रीलङ्काको भ्रमण गर्दा टोलिमा नियमित सहभागी हुनुभएको थियो । श्रीलङ्का भ्रमणपछि इंग्ल्याण्ड प्रस्थान गर्नुभएका उहाँ फाल्गुन दोस्रो साता भारत आउने तालिका रहेको थियो । तर ब्यवसायिक उडानमा आउन नसक्ने भएपछि उहाँ फाल्गुन तेस्रो साता चार्टड विमानमा मात्रै आउन लाग्नुभएको हो । चौथो टेष्ट खेल मार्च चारदेखि अहमदाबादमा हुनेछ ।
२०८१ मंसिर १० सोमवार
