गोरखापत्र अनलाइन
काठमाडौं, फाल्गुन १२ गते । गल्फका महान खेलाडी टाइगर ऊड्स कार दुर्घटनामा गम्भिर घाइते हुनुभएको छ । अमेरिकाको लास एन्जेल्समा उहाँ सबार कार मंगलबार दुर्घटना भएको हो ।
४५ वर्षीय ऊड्सको दाहिने खुट्टाको कुर्कुच्चा र नली खुट्टाको हाड भाँचिएको छ । खुट्टामा ‘रड’ राखेर उहाँको उपचार गरिएको छ । हाल उर्हाँको स्वास्थ्य स्थिति स्थिर रहेको बताइएको छ । कुर्कुच्चामा स्क्रु कसिएको बीबीसीले उल्लेख गरेको छ ।
ऊड्सको आधिकारिक ट्वीटर खातामा जारी गरिएको वक्तब्यमा उहाँ चेत खुलेकै अवस्थामा रहेको र स्वास्थ्य सुधारोन्मुख रहेको उल्लेख गरिएको छ । उहाँको उपचारमा संलग्न हार्बरस्थित यूसीएलएका प्रमुख चिकित्सक अनिश महाजनले दुई भन्दा अत्याधिक स्थानमा भाँचिएको हाड जोडिएको बताउनुभएको छ ।
ऊड्सलाई तात्कालै २०२१ जिनेसिस जीभी८० कारबाट हेलिगन बारबाट उद्धार गरिएको थियो । ऊड्स जिवित र सकुशल रहेकोमा भाग्यमानी भएको लास एन्जेल्सका प्रमुख कानून कार्यान्वयनकत्र्ता कार्लोस गोञ्जालेजले बताउनुभएको छ ।
अमेरिकी गल्फर ऊड्स १५ पटक गल्फ च्याम्पियनशीपको उपाधि जित्नुभएको हो ।
२०८१ मंसिर १० सोमवार
