गोरखापत्र अनलाइन
काठमाडौं, फाल्गुन १३ गते । म्यान्चेष्टर सिटीले बोरसिया मोन्चेङ्गलाब्याकमाथि जित हात पारेको छ । च्याम्पियन्स लिग अन्तगर्त राउण्ड १६ को पहिलो लेगमा सिटीले बोरसियामाथि २–० को जित हात पारेको हो ।
बोरसियामाथि जित हात पार्ने क्रममा म्यान्चेष्टर सिटीले दुबै हाफमा एक एक गोल गर्यो । बर्नाडो सिल्भाले २९ औं मिनेटमा पहिलो गोल गर्दै सिटीलाई १–० को अग्रता दिलाउनुभयो । गेब्रेल जिससले ६५ औं मिनेटमा गर्नुभएको गोल नै सिटीको बोरसियामाथि २–० को जित हात पार्न पर्याप्त भयो ।
गेब्रेल जिससले खेल्नुभएको ४३ खेलमध्ये ४२ मा गोल गर्दा म्यान्चेष्टर सिटीले जितेको हो । बोरसियालाई हराउँदा म्यान्चेष्टर सिटीले लगातार १९ औं जित हात पार्यो ।
२०८१ मंसिर १० सोमवार
