अर्जुन काफ्ले
स्याङ्जा, फागुन १५ गते । प्रथम पुतलीबजार कप अन्तर पालिका पुरुष भलिबल प्रतियोगितामा गल्कोट नगरपालिका बाग्लुङ फाइनलमा प्रवेश गरेको छ ।
पुतलीबजार नगरपालिका खेलकुद बिकास संजालले अयोजना गरेको जिल्लाको सार्वधिक राशीको प्रतियोगितामा गल्कोटले बर्दघाट नगरपालिका नवलपरासीलाई पराजित गर्दै फाइनलको यात्रा तय गरेको हो ।
गल्कोटले बर्दघाटलाई २५–२२, १५–२५, २५–१९ र २५–१३ अंकले पराजित गरेको हो ।
यस्तै कालिगण्डकी गाउँपालिकाले चापाकोट नगरपालिकालाई पराजित गर्दै गल्कोटसगँको भेट पक्का गरेको हो ।
कालिगण्डकीले २५–२०, २१–२५, २५–२२ र २५–७ अंकले चापाकोटलाई पाखा लगाएको एशियन भलिबल रेफ्री टहल सिहँ थापाले बताउनुभयो ।
फागुन ८ गतेबाट शुरु भएको लिगकम नकआउट प्रतियोगितामा नवपरासी, कास्की, तनहु, पर्वत, वाग्लुङ, रुपन्देही र स्याङ्जाका गरी २१ टिमको सहभागिता रहेको छ ।
प्रतियोगितामा बिजेताले दुई लाख, उपबिजेताले एक लाख, तेस्रोले ५० हजार र चौथोले २५ हजार रुपियाँ सहित कप मेडल र प्रमाणपत्र हात पार्ने छन् ।
