गोरखापत्र अनलाइन
काठमाडौं, फागुन २१ गते । प्रिमियर लिगमा एभर्टनले वेष्टब्रमलाई हराएको छ । गए राति सम्पन्न खेलमा वेष्टब्रममाथि जित हात पार्न एभर्टनको एक गोल नै पर्याप्त हुन गयो ।
जित निकाल्न संघर्षरत वेष्टब्रममाथि दोस्रो हाफमा एभर्टनले गरेको एक मात्र गोल निर्णायक रहन गयो । ६५ औं मिनेटमा एभर्टनका लागि रिचार्लिसनले जिल्फी सिगर्डसनको क्रसलाई गोलमा परिणत गर्नुभयो । रिचार्लिसनले आफ्नो पछिल्लो छ खेलमा लगातार छैठौं गोल गर्नुभयो । सिगर्डसन भने मात्र ४३ सेकेण्डका लागि मैदानमा प्रवेश गर्नुभएको थियो ।
जितसँगै एभर्टनले २६ खेलबाट ४६ अङ्क बटुलेको छ । ऊ अङ्क तालिकाको पाँचौं स्थानमा उक्लेको छ ।
इंग्लीश लिगको नौ पटकको विजेता एभर्टनले प्रिमियर लिग १९९२–९३ मा सुरु भए यता मात्र एक पटक सन् २००४–०५ मा अन्तिम चारसम्म पुग्न सकेको हो ।
२०८१ मंसिर १० सोमवार
