गोरखापत्र अनलाइन
काठमाडौं, फागुन २६ गते । नेपाल पुलिस क्लब काठमाडौंमा जारी मेयर कप क्रिकेटको फाइनलमा पुगेको छ । लिग चरणको आफ्नो अन्तिम खेलमा काठमाडौं मेयर ११ लाई हराएर पुलिस फाइनलमा पुग्ने पहिलो टोलि बनेको छ ।
पुलिसले चार खेलमध्ये तीनमा जित हात पारेर छ अङ्कसहित शीर्ष स्थानमा रहँदै फाइनलमा स्थान सुनिश्चित गरेको हो । दोस्रो स्थानमा रहेको सशस्त्र प्रहरी बल(एपीएफ)को चार अङ्क छ । उसले आफ्नो अन्तिम खेल खेल्न बाँकी नै छ । अन्तिम खेलमा एपीएफले काठमाडौं मेयर ११ को सामना गर्नेछ । बिहीबार हुने उक्त खेलमा जित हात पारे एपीएफले फाइनलमा पुलिससँगको भेट सुनिश्चित गर्नेछ । एपीएफले हार बेहोरे सामान दुई अङ्क रहेको पूछारको तीन टोलि त्रिभुवन आर्मी, बागमती र काठमाडौं मेयर ११ को फाइनल पुग्ने सम्भाबनालाई जिवित राख्नेछ । पूछारमा रहेको काठमाडौं मेयर ११ ले भने एपीएफलाई विशाल अन्तरले हराउनुपर्ने हुन्छ ।
बिहीबार नै हुने अर्को खेलमा बागमती प्रदेशले त्रिभुवन आर्मी क्लबको सामना गर्नेछ । त्रिभुवन आर्मीले बागमतीलाई हराए र एपीएफले मेयर ११ विरुद्ध हार बेहोरे आर्मीले फाइनलमा स्थान बनाउन सक्नेछ । त्यसैगरी, बागमतीले त्रिभुवन आर्मीमाथि जित हात पारे र एपीएफले काठमाडौं मेयर ११ सँग हार बेहोरेको अवस्थामा त्रिभुवन आर्मी फाइनल पुग्ने सम्भाबना रहन्छ ।
