गोरखापत्र अनलाइन
काठमाडौं, फागुन २८ गते । एसी मिलानले म्यान्चेष्टर यूनाइटेडलाई बराबरीमा रोकेको छ । यूरोपा लिगको राउन्ड अफ १६ को पहिलो लेगमा मिलानले म्यान्चेष्टर यूनाइटेडलाई बराबरीमा रोकेको हो ।
ओल्ड ट्राफोर्डमा गए राति सम्पन्न खेलको पहिलो हाफ गोलरहित बराबरीमा सम्पन्न भयो । दोस्रो हाफ सुरु भएको केही मिनेटमै म्यान्चेष्टर यूनाइटेडले प्रारम्भिक अग्रता लियो । ५० औं मिनेटमा अमाद डियालोको गोलमा म्यान्चेष्टर यूनाइटेडले १–० को अग्रता पायो । दोस्रो हाफ अबधिभरि अग्रता जोगाएको यूनाइटेडले अतिरिक्त समयमा सम्हालिन नसक्दा मिलानले गोल फर्काउँदै खेल बराबरीमा ल्यायो ।
सिमोन जैरले ९२ औं मिनेटमा गोल गर्दा मिलानले १–१ को बराबरी गर्यो ।
२०८१ मंसिर १० सोमवार
