गोरखापत्र अनलाइन
काठमाडौं, चैत्त २ गते । फुटबलका महान खेलाडी पेलेले क्रिष्टियानो रोनाल्डोलाई बधाई दिनुभएको छ । पोर्चुगलका फरवार्ड रोनाल्डोले काग्लिएरी विरुद्धको खेलमा हयाट्रिक गोल लगाउँदै ब्राजिली महान खेलाडी पेलेको कीर्तिमान भङ्ग गर्नुभयो । उहाँले फुटबल जीवनमा आफ्नो ७७० औं गोल पूरा गर्नुभयो । पेलेले औपचारिक खेलमा हालसम्म ७६७ गोल गर्नुभएको थियो ।
पेलेले बधाई दिदै इन्स्टाग्राममा लेख्नुभएको छ, “जीवन उडान हो, सबैले आ आफ्नो यात्रा आफैं तय गर्छन्, तर तपाईको यात्रा अत्यन्तै सुन्दर छ, म तपाईको प्रशंसा गर्न चाहन्छु ।” उहाँले आफ्नो पोष्टमा लेख्नुभएको छ, “म तपाईको खेल हेरेर अत्यन्तै आनन्दित महसुस गर्दै आएको कसैबाट लुकेको छैन, आधिकारिक खेलमा मेरो गोलको कीर्तिमान भङ्ग गर्नुभएकोमा बधाई छ ।”
फुटबलमा ब्यक्तिगत आधिकारिक गोल संख्यालाई लिएर विवाद हुँदै आएको छ । चेक स्लोभाकियाले आफ्ना स्ट्राइकर जोसेफ बिकानले ८२१ गोल गरेर ब्यक्तिगत् सबैभन्दा बढी गोलकर्ता रहेको दाबी गर्दै आएको छ । तर खेलकुद फुटबल तथ्याङ्क फाउन्डेशनले बिकानले आफ्नो फुटबल जीवनमा ८०५ गोल गर्नुभएको उल्लेख गरेको छ । जसमध्ये २७ गोल किशोर टोलीविरुद्ध रहेको उसले जनाएको छ । उक्त संख्या घटाउँदा उहाँले आफ्नो फुटबल जीवनमा ७५९ गोल गर्नुभएको छ ।
युभेन्ट्सले च्याम्पियन्स लिगमा हार बेहोर्दै बाहिरिएपछि रोनाल्डोको आलोचना गरिएको थियो ।
२०८१ मंसिर १० सोमवार
