गोरखापत्र अनलाइन
काठमाडौं, चैत २ गते । म्यान्चेष्टर यूनाइटेडले वेष्टहमलाई हराएर च्याम्पियन्स लिगमा स्थान सुनिश्चित गर्ने आफ्नो यात्रालाई जीवितै राखेको छ । वेष्टहमका क्रैग डौसनले आफ्नै पोष्टमा गोल गरेपछि म्यान्चेष्टर यूनाइटेडले जित हात पारेको हो ।
पहिलो हाफ गोलरहित बराबरीमा सम्पन्न भएपछि दोस्रो हाफको सुरुवातमै डौसनले गर्नुभएको गोलबाट म्यान्चेष्टर यूनाइटेडले १–० को अग्रता लियो । म्यान्चेष्टर यूनाइटेडले २९ खेलबाट ५७ अङ्क बटुलेको छ । शीर्षस्थानको म्यान्चेष्टर सिटीले ३० खेलबाट ७१ अङ्क जोडेको हो । लेष्टर सिटीले भने २९ खेलबाट ५६ अङ्क बटुलेको हो । ५१ अङ्कसहित चेल्सी चौथो स्थानमा छ ।
२०८१ मंसिर १० सोमवार
