गोरखापत्र अनलाइन
काठमाडौं, चैत ३ गते । लिभरपुलले वल्भरहयाम्पटन वान्डरर्समाथि कठिन जित हात पारेको छ । जितसँगै लिभरपुलले प्रिमियर लिगको अन्तिम चारमा स्थान सुनिश्चित गर्ने आफ्नो आशालाई जीवितै राखेको छ ।
प्रिमियर लिग अन्तगर्त गए राति अबेर सम्पन्न खेलमा लिभरपुलले वल्भ्समाथि १–० को जित हात पार्यो । वल्भ्सबाट गत सेप्टेम्बरमा लिभरपुल सर्नुभएका डिओगो जोटाले गर्नुभएको एक मात्रै गोल खेलको निर्णायक गोल हुन गयो ।
पोर्चुगिज फरवार्ड जोटाको गोलमा जितसँगै लिभरपुल अङ्कतालिकाको छैटाैं स्थानमा उक्लेको छ । लिभरपुलको २९ खेलबाट ४६ अङ्क छ । पाँचौं स्थानको वेष्टहमभन्दा ऊ दुई अङ्कले पछाडि छ । चौथो स्थानको चेल्सीले २९ खेलबाट ५१ अङ्क पुर्याएको छ ।
शीर्ष स्थानको म्यान्चेष्टर सिटीको ७१ र दोस्रो स्थानको म्यान्चेष्टर यूनाइटेडको ५७ अङ्क छ ।
२०८१ मंसिर १० सोमवार
