गोरखापत्र अनलाइन
काठमाडौं, चैत्त ३ गते । नेपालले आयोजना गर्न लागेको ‘थ्री नेशन्स कप’ फुटबल प्रतियोगिताको खेल तालिका सार्बजनिक गरिएको छ । चैत्त १० गतेबाट सुरु हुने प्रतियोगिताको उद्घाटन खेलमा कीर्गिस्तानले बङ्गलादेशको सामना गर्नेछ ।
अखिल नेपाल फुटबल संघ(एन्फा)ले सार्बजनिक गरेको खेल तालिका बमोजिम नेपालले आफ्नो पहिलो खेलमा कीर्गिस्तानको सामना गर्नेछ । उक्त खेल चैत्त १२ गते हुनेछ । तेस्रो खेलमा बङ्गलादेशले नेपालको सामना गर्नेछ । लिग चरणको तेस्रो तथा अन्तिम खेल चैत्त १४ गते खेलाइनेछ ।
लिग चरणमा उत्कृष्ट हुने दुई टोलीबीच सोमबार, चैत्त १६ गते उपाधिका लागि स्पर्धा हुनेछ । प्रतियोगिताको जम्मै खेल दशरथ रङशालामा हुनेछ । लिग चरणका तीनवटै खेलसहित फाइनल खेल बेलुकी साढे पाँच बजेबाट खेलाइनेछ ।
२०८१ मंसिर १० सोमवार
