गोरखापत्र अनलाइन
काठमाडौं, चैत्त ४ गते । म्यान्चेष्टर सिटी लगातार चौथो पटक च्याम्पियन्स लिगको क्वार्टर फाइनलमा प्रबेश गरेको छ । च्याम्पियन्स लिग राउन्ड अफ १६ को दोस्रो लेगमा सिटीले बोरसिया मोन्चेन्ग्लाब्याकलाई हराएर क्वार्टरफाइनलका लागि स्थान सुनिश्चित गरेको हो ।
पहिलो लेगमा २–० को जित हात पारेको सिटीले दोस्रो लेगमा समेत उक्त लयलाई निरन्तरता दिदै दोस्रो लेगमा समेत २–० को जित हात पारेको हो । खेलको १२ औं मिनेटमा केभिन डे ब्रुनले सुरुवाती गोल गर्दै १–० को अग्रता दिलाउनुभयो । छ मिनेट नबित्दै केय गुण्डोगनले गोल थप्दा म्यान्चेष्टर सिटीले बोरसियामाथि समग्रमा ४–० को जित दिलाउन पर्याप्त भयो ।
कोरोनाभाइरस प्रतिबन्धका कारण लेगको दुबै खेल पुस्कास एरेना बूढापेष्टमा सम्पन्न भएको हो । क्वार्टरफाइनलको तालिका शुक्रबार सार्बजनिक हुनेछ ।
२०८१ मंसिर १० सोमवार
