गोरखापत्र अनलाइन
काठमाडौं, चैत ६ गते । टट्नहम यूरोपा लिगको अन्तिम १६ बाट बाहिरिएको छ । यूरोपा लिगको राउन्ड अफ १६ को दोस्रो लेगमा डिनामो जग्रेबले टट्नहमलाई ३–० ले हराउँदा ऊ यूरोपा लिगबाट बाहिरिन पुगेको हो । पहिलो लेगमा टट्नहम हट्सपरले डिनामो जग्रेबलाई २–० ले हराएको थियो । दोस्रो लेगमा एकतर्फी जितसँगै डिनामो जग्रेबले समग्रमा ३–२ को जित हात पारेको हो ।
स्पर्सले डिनामो विरुद्धको खेलमा सातवटा खेलाडी परिवर्तन गरेको थियो । पहिलो हाफ गोलरहित बराबरीमा सम्पन्न भएको खेलको दोस्रो हाफमै डिनामोले तीन गोल गर्न सफल भयो । डिनामोका लागि ६२ औं मिनेटमा ओर्सिक डेजेभर्डलीले पहिलो गोल गर्दै १–० को अग्रता दिलाउनुभयो ।
८२ औं मिनेटमा ओर्सिकले इयायी एटिमवेनको क्रसलाई गोलमा परिणत गर्दै खेल बराबरीको स्थितिमा ल्याउनुभयो । टट्नहमले पहिलो लेगमा लिएको २–० को अग्रताले खेल बराबरीमा आएपछि खेल लम्बिन पुग्यो । १०६ औं मिनेटमा ओर्सिकले आफ्नो हयाट्रिक गोल पूरा गर्नुका साथै डिनामोको यूरोपा लिगको क्वार्टरफाइनलमा प्रवेश सुनिश्चित गर्नुभयो ।
२०८१ मंसिर १० सोमवार
