गोरखापत्र अनलाइन
काठमाडौं, चैत्त ८ गते ।
तेश्रो संस्करणको मेयर कप सप्तरी प्रिमियर लिग सप्तरीको राजविराजमा सुरु भएको छ । लिग अन्तर्गत उद्घाटन खेलमा रुपनी राईडर्सले बोदे बर्साइन थन्डर्सलाई १३ रनले पराजित गरेको हो । राज रंगशालामामा सम्पन्न खेलमा रुपनीले दिएको १४८ रनको लक्ष्य पछ्याउने क्रममा बोदे बर्साईनले पुरै २० ओभर ब्याटिङ गरे पनि १३४ रनमा समेटिन पुग्यो ।
बोदे बर्साईनको लागि नारायण जोशीले सर्वाधिक ३३ रन, कप्तान सिद्धान्त लोहनीले २४ रन , योगेन्द्र सिंह कार्की र विकाश दासले समान १७ रन बनाउनुभयो ।
रुपनी राइडर्सको बलिंगमा सुमित झाले सर्वाधिक ४ विकेट लिनुभयो । जुन क्रममा ४ ओभर बलिङ गर्दै २५ रन खर्चिए । अनिल यादवले २ विकेट तथा फिर्दोश अन्सारी, सुनिल धमला, कुशल भुर्तेल र अनुज कुमार यादवले समान १ विकेट लिनुभयो ।
यस अघि टस हारेर ब्याटिंग गरेको रुपनी राइडर्सले निर्धारित २० ओभरमा ७ विकेट क्षतिमा १४७ रन बनाएको थियो ।
रुपनीको लागि ओपनर सुनिल धमलाले सर्वाधिक ५४ रन बनाउनुभयो । उहाँले ३७ बलमा ५ चौका र ३ छक्का प्रहार गर्नुभयो । निरज मुखियाले १९ रन, अनिल यादवले अविजित १७ रन, अनुज यादवले अविजित १५ रन तथा कुशल भुर्तेलले १२ रन बनाउनुभयो । बोदे बर्साइनको बलिंगमा अफस्पिनर विशाल सुश्लिंगले सर्वाधिक ३ विकेट लिनुभयो । खेलको प्लेयर अफ द म्याच सुनिल धमला चुनिए ।
लिग अन्तर्गत सोमबार दुई खेल संचालन हुनेछन् ।
प्रतियोगिताको उद्घाटन राजविराज नगरपालिकाका मेयर शम्भु यादवले ब्याटिङ गर्दै तथा उपमेयर साधना झाले बलिंग गर्दै गर्नुभएको थियो।
२०८१ मंसिर १० सोमवार
