हरिप्रसाद कोइराला
उर्लाबारी, साउन ९ गते । मोरङको उर्लाबारीमा प्रदेश १ को नमूना कबर्ड हल निर्माण हुने भएको छ । तीन करोड २८ लाख रुपियाँमा निर्माण हुने कभर्ड हलमा तीन वटा कोर्ट निर्माण गरिने छ ।
कभर्ड भित्र सबै खाले इन्डोर प्रतियोगिता गर्न सकिने उर्लाबारी ब्याडमिन्टन क्लबका अध्यक्ष हंसबहादुर फागुले बताउनुभयो । फागुका अनुसार निर्माण कम्पनीले तीन वर्ष भित्रमा कभर्ड हल उर्लाबारी नगरपालिकालाई हस्तान्तरण गर्ने छ । कभर्ड हलको शिलान्यास उर्लाबारी नगरपालिकाका नगर प्रमुख खड्गबहादुर फागो र उप प्रमुख लक्ष्मीदेवी भण्डारीले गत् जेठ अन्तिममा गर्नुभएको थियो । शिलान्यास भएपछि धमाधम काम भइरहेको ब्याडमिन्टन क्लबका अध्यक्ष हंसबहादुर फागोले भन्नुभयो । यस अघि उर्लाबारी क्षेत्रमा ब्याडमिन्टन, टेनिस, कराँते लगायतका खेल खुल्ला चौरमा हुँदै आएका थिए ।
२०८१ मंसिर १० सोमवार
