गोरखापत्र अनलाइन
काठमाडौं, साउन १४ गते । नोभाक जोकोभिच ओलम्पिक पुरुष टेनिसको सेमीफाइनलमा पुग्नुभएको छ । क्वार्टरफाइनलमा उहाँले जापानका कै निशिकोरीलाई हराउनुभएको छ ।
एकै वर्षमा चार वटै ग्रान्ड स्लामको उपाधि जित्नुभएको जोकोभिच ओलम्पिक स्वर्ण जितेर पहिलो टेनिस खेलाडी बन्ने कीर्तिमान नजिक पुग्नुभएको छ । विश्व वरीयताको शीर्ष स्थानमा रहनुभएका उहाँले निशिकोरीलाई ६–२ ६–० ले हराउनुभयो ।
सेमीफाइनलमा उहाँले शुक्रबार जर्मनीका अलेक्जेण्डर जभ्रेभको सामना गर्नुहुनेछ । स्वीटजरल्याण्डकी बेलिन्डा बेनसिक र चेक रिपब्लिककी मर्केटा भोन्ड्रुसोभाले शनिबार महिला विधा तर्फ स्वर्ण पदकका लागि स्पर्धा गर्नुहुनेछ ।
२०८१ मंसिर १० सोमवार
