काठमाडौँ, मङ्सिर ३ गते । नेपालकी अभिलाषा विष्ट र अमेरिकाकी टेलर ग्योइत्जले आईटीएफ पाकिस्तान अन्तर्राष्ट्रिय जुनियर टेनिस प्रतियोगिताअन्तर्गत सर्किट– २ को गल्र्स डबल्समा शुक्रबार स्वर्ण जित्नु भएको छ । सर्किट–१ को गल्र्स डबल्समा पनि अभिलाषा र टेलरको जोडी नै पहिलो हुनुभएको हो ।
अभिलाषा गल्र्स सिंगल्समा पनि फाइनल पुग्नु भएको नेपाल टेनिस संघले जनाएको छ । यसैगरी ब्वाइज डबल्समा नेपालका आरभसम्राट हाडा र अकी जुवेन रावतको जोडी उपविजेतामा सीमित बन्नुभयो । सर्किट–१ को फाइनलमा हाडा र रावतको जीडी रसियाका खेलाडीसँग पराजित हुनुभएको हो ।
