काठमाडौँ, मङ्सिर २९ गते । विन्सम कलेज प्रथम अन्तरकलेज ब्वाइज बास्केटबल प्रतियोगितामा बुधबार सेमिफाइनलमा प्रवेश गरेको छ । दोहोरो जित निकाल्दै विन्सम सेमिफाइनलमा प्रवेश गरेको हो ।
पहिलो खेलमा विन्समले जय मल्टिपल कलेजलाई २८–२५ अंकको साँघुरो अन्तरले हरायो । विन्समको जितमा सरोज तामाङले २० अंक जोड्नुभयो । सरोजकै १८ अंक मद्दतमा विन्समले अर्को खेलमा न्यु मिलिनियमलाई ३८–३० अंकले हरायो ।
नामी पनि सेमिफाइनलमा पुग्न सफल भयो । नामीले न्यु मिलिनियमलाई ५६–४८ अंकले स्तब्ध बनायो । नामीका जाम्लिङ लामाले १७ स्कोर गर्नुभयो । सेमिफाइनलमा नामीको भेट लिम्पिया नेसनल कलेजसँग हुनेछ । अर्को सेमिफाइनल विन्सम र सूर्योदय भिड्नेछन् ।
