काठमाडौँ, पुस ४ गते । बंगलादेशको ढाकामा डिसेम्बर २१ द्येखि २९ तारिखसम्म आयोजना हुने एभीसी सेन्ट्रल जोन महिला तथा पुरुष भलिबल च्याम्पियनसिपमा सहभागि हुने नेपाली टोलीलाई आइतबार विदाई गरिएको छ ।
च्याम्पियनसिपमा महिलातर्फ नेपालसहित आयोजक बंगलादेश, उज्वेकिस्तान, श्रीलंका, किर्गिस्तान र माल्दिभ्सले प्रतिस्पर्धा गर्नेछन् । नेपाल महिलातर्फ साविक विजेता हो ।
यसैगरी पुरुषतर्फ नेपालसहित आयोजक बंगलादेश, माल्दिभ्स, श्रीलंका र उज्वेकिस्तानले प्रतिस्पर्धा गर्नेछन् । लामो तयारी गरेकोले नेपालले महिला र पुरुष दुवैतर्फ उपाधि जित्ने लक्ष्य राखेको नेपाल भलिबल संघले जनाएको छ ।
खेलाडीलाई युवा तथा खेलकुद खेलकुद मन्त्री महेश्वरजंग गहतराज, नेपाल भलिबल संघका कार्यवाहक अध्यक्ष यम गुरुङ, उपाध्यक्ष निरोज मास्के, महासचिव जितेन्द्रबहादुर चन्दलगायतले विदाइ गर्नुभयो । नेपाली टोली सोमबार ढाका प्रस्थान गर्नेछ ।
