.JPG)
काठमाडौँ, पुस ७ गते । नेपाल रिङ रेस्लिङ संघको आयोजनामा प्रथम आरडब्लु विन्टर स्लाम राष्ट्रिय रेस्लिङ प्रतियोगिता पुस १७ गते हुने भएको छ । बुढानीलकण्ठको चुनीखेल मैदानमा हुने प्रतियोगितामा पाँच विधा समावेश गरिएको बुधबार आयोजित पत्रकार सम्मेलनमा आयोजक संघकी महासचिव सुवर्ण श्रेष्ठले जानकारी दिनुभयो ।
प्रतियोगितामा हेभी वेट च्याम्पियनले ८० हजार, हार्डकोर च्याम्पियनले ६० हजार, मिडल वेट च्याम्पियनले ५० हजार, ट्याग टिम च्याम्पियनले ४५ हजार र लाइट वेट विजेताले २५ हजार रुपियाँ पुरस्कार पाउनेछन् ।
एक दिने प्रतियोगितामा नुवाकोटे टाइगर, चट्टान, डेभिड, टुप्पी ग्याङ, एक्स हिरो, लेडी एन्जल, तन्नु, सिजे, एससी, किङ रोबोर्ट, जोन, बाका, युबिएललगायतका खेलाडीको सहभागिता रहने बताइएको छ ।
प्रतियोगितालाई बूढानीलकण्ठ नगरपालिका वडा नम्बर १३ ले विशेष सहयोग गर्ने भएको छ । वडा १३ का अध्यक्ष श्रीकृष्ण श्रेष्ठले स्थानिय पर्यटनको प्रवद्र्धनमा प्रतियोगिताले महत्वपूर्ण भूमिका खेल्ने बताउनुभयो ।
