काठमाडौँ, पुस २१ गते । अष्ट्रेलियन ओपन खेल्न अष्ट्रेलिया पुग्नुभएका विश्व नम्बर एक टेनिस खेलाडी नोभाक जोकोभिचलाई बिहीबार कोरोना खोप नलगाएका कारण मेलवर्न विमान स्थलबाट फर्काइएको छ ।
साविक विजेता समेत रहनुभएका जोकोभिचलाई अस्ट्रेलियाले कोभिड–१९ संक्रमणविरुद्धको खोप नलगाएका कारण उहाँको भिसा समेत रद्ध गरेर फर्काएको हो । जोकोभिचलाई विमानस्थलमा सोधुपुछका लागि समेत राखिएको थियो ।
यसअघि टेनिस अस्ट्रेलियाले जोकोभिचलाई टेनिस खेल्न अनुमती दिएको भन्दै तिब्र विरोध भएको थियो । अस्ट्रेलियन ओपनमा सहभागी हुन खेलाडी तथा स्टाफहरुले कोभिड–१९ विरुद्धको खोप लगाउनै पर्ने वा स्वतन्त्र स्वास्थ्य विज्ञहरुबाट अनुमति पाएको हुनुपर्ने प्रावधान छ । अस्ट्रेलियन ओपन जनवरी १७ देखि ३० तारिखसम्म मेलबर्नमा हुँदैछ । एजेन्सी
