काठमाडौं, माघ २७ गते । चौथो राष्ट्रिय स्की च्याम्पियन्सीप २०२२ मुस्ताङमा हुने भएको छ । प्रतियोगतामामा २६ खेलाडीको सहभागिता रहने बताइएको छ । नेपाल स्की संघका अध्यक्ष जीवनराम श्रेष्ठले बिहिबार मुस्ताङ जाने खेलाडी, प्रशिक्षक तथा अफिसियललाई विदाई गर्नुभयो । अध्यक्ष श्रेष्ठले खेलाडीहरुलाई शुभकामना दिनुका साथै उनीहलाई अनुशासित र सचते भएर खेल्ने सल्लाह दिनुभयो ।
नेपाल स्की संघका महासचिव विजय श्रेष्ठले मौसम राम्रो भएमा सोमबार प्रतियोगिता हुने जानकारी दिनुभयो । उहाँले भन्नुभयो– ‘मौसमका स्थिति अनुसार प्रतियोगताको दिन परिवर्तन हुनसक्छ । मुस्ताङ पुगेपछि दुई दिन त्यहाँ खेलाडीहरुले अभ्यास गर्नेछ र त्यसपछि सोमबार प्रतियोगता हुनेछ ।’
