काठमाडौँ, फागुन ३ गते । नेपाल पुलिस क्लबले लामा टेन्डी शेर्पा स्मृति खुला बास्केटबल प्रतियोगिताको महिलातर्फ मंगलबार विजयी सुरुवात गरेको छ । त्रिपुरेश्वर स्थित राखेप कभर्डहल मा मंगलबार भएको खेलमा पुलिसले कीर्तिपुर नगरपालिकालाई ७८–२३ अंकले हरायो ।
पुसिसको जितमा समिक्षा न्यौपानेले ११ अंक जोड्नुभयो । कीर्तिपुरकी झरना वज्राचार्यले १३ स्कोर गरेपनि टोलीको हार टरेन । नेपाल बास्केटबल संघले आयोजना गरेको प्रतियोगिातमा पुरुषतर्फ टाइम्स बास्केटबल र गोल्डेनगेटले जित निकाले । टाइम्सले जेभियर इन्टरनेसनललाई ११७–६४ अंकले हरायो ।
टाइम्सका विजय बुर्जाले २४ तथा जेभियरका राहुल नायकले १४ स्कोर गर्नुभयो । गोल्डेनगेटले एनसीसीएसमाथि ७७–७४ अंकको रोमाञ्चक जित निकाल्यो । गोल्डेनगेटका अभिषेक सिंहले ३२ अंक बटुल्नुभयो । एनसीसीएसका सौगात सिंहले १८ अंक बनाउनुभयो ।
