काठमाडौँ, फल्गुन ४ गते । लिनिङ ११औँ पुष्पलाल स्मृती ¥याङकीङ राष्ट्रिय ब्याडमिन्टन प्रतियोगिताको पुरुष एकलतर्फ क्वार्टरफाइनल समिकरण पूरा भएको छ । बुधबार भएको खेलमा पुरुष एकलतर्फ समूह ‘ए’ बाट एपिएफका दिपेश धामी र सेनाका प्रफुल महर्जन तथा समूह ‘बी’ बाट सेनाका नविन श्रेष्ठ र पुलिसका जीवन आचार्य क्वार्टरफाइनलमा पुग्नुभएको छ ।
यसैगरी समूह ‘सी’ बाट एपिएफका बिजित थापा मगर र धातुका सुदीप सेढाई तथा समूह ‘डी’ बाट रिभाईभका प्रिन्स दाहाल र सेनाका रुकेश महर्जनले स्थान बनाउनु भएको छ । महिला एकलतर्फ क्वार्टरफाइनमा नम्बर एक खेलाडी नङ्शल तामाङले एपिएफकी जेशिका गुरुङ, सेनाकी अनुमाया राईले सेनाकै प्राथना देउवा, राष्ट्रिय च्याम्पियन रशिला महर्जनले एपिएफकी सुनैना मुखिया र सेनाकी अमिता गिरीले पुलिसकी निता लम्सालसँग प्रतिस्पर्धा गर्नुहुनेछ ।
