काठमाडौँ, फाल्गुन १६ गते । वीर गणेशमान सिंह स्पोर्टस् कमिटीले फेन्सिङ, बक्सिङ र रोड रेस प्रतियोगिता आयोजना गर्ने भएको छ । कमिटीले सोमबार पत्रकार सम्मेलनगरी ‘वीर गणेशमान सिंहको नाममा तीन खेलको राष्ट्रिय प्रतियोगिता आयोजना गर्ने जानकारी दिएको हो।
जस अन्तर्गत ‘राष्ट्रिय फेन्सिङ प्रतियोगिता’ शनिबारदेखि सुरु हुने कमिटीका संयोजक सञ्जीव तुलाधरले जानकारी दिनुभयो । फेन्सिङ प्रतियोगितामा महिला तथा पुरुषतर्फ समान तीन इभेन्टमा प्रतिस्पर्धा हुनेछ ।
वैशाख ६ गतेदेखि ‘वीर गणेशमान सिंह राष्ट्रिय बक्सिङ प्रतियोगिता’ र वैशाख १६ गते ‘तेस्रो वीर गणेशमान सिंह १० किलोमिटर रोड रेस’ हुने बक्सिङ प्रतियोगिताका संयोजक राजीव श्रेष्ठले जानकारी दिनुभयो । कमिटीले वैशाखमा हुने १० हजार मिटर रोड रेसमा यस वर्षबाट पाँच किलो मिटर दौड पनि समावेश गरेको छ । तीन प्रतियोगिता सम्पन्न गर्न ९० लाख रुपियाँ लगानी लाग्ने पनि बताईएको छ ।
