मृतकका परिवारलाई रु दुई लाख प्रदान गरिने

कर्णाली प्रदेश सरकारले बाढी, पहिरोलगायतका विपद्मा परी मृत्यु भएका व्यक्तिका परिवारलाई रु दुई लाख राहत दिने निर्णय गरेको छ । मुख्यमन्त्री महेन्द्रबहादुर शाहीको अध्यक्षतामा आज बसेको प्रदेश विपद् व्यवस्थापन परिषद्को बैठकले सामूहिक दुर्घटना बीमाबापत सोे रकम उपलब्ध गराउने निर्णय गरेको हो ।

विपदबाट ज्यान गुमाएका परिवारलाई दुई लाख रुपियाँ उपलब्ध गराउने कर्णाली सरकारको निर्णय

कर्णाली प्रदेश सरकारले बाढी पहिरोमा परी ज्यान गुमाएका व्यक्तिका परिवारलाई दुई लाख रुपियाँ उपलब्ध गराउने निर्णय भएको छ । शुक्रबार बिहान मुख्यमन्त्री महेन्द्रबहादुर शाहीको अध्यक्षतामा बसेको प्रदेश विपद् व्यवस्थापन परिषद्को बैठकले तत्काल दुई लाख रुपियाँ उपलब्ध गराउने निर्णय गरेको हो ।

पहिरोमा पुरिएर मृत्यु भएकाको सामूहिक दाहसंस्कार

खार्पुनाथ गाउँपालिका– ५ को खर्पेलगाउँमा पहिरोले घर पुरिदा मृत्यु भएको दुई परिवार सबैको सामूहिक दाहसंस्कार गरिएको छ । भत्किएको घरभित्र पुरिएका शवहरु निकालेर प्रहरी मुचुल्कापछि गाउँबासी मिलेर कर्णाली नदीको तीरमा सामूहिक दाहसंस्कार गरिएको हो ।

अझै खुलेन कर्णाली लोकमार्ग, सयौं यात्री अलपत्र

लगातारको वर्षाका कारण अवरुद्ध सर्खेत–जुम्ला सडकखण्डको कालीकोट खण्ड अझै पनि सुचारु हुन सकेको छैन । लोकमार्ग सुचारु नहुँदा सयौं यात्री अलपत्र परेका छन् ।

दैलेखको रामाघाट बस्ती डुवानमा

दैलेखको रामाघाट खोला किनारको बस्ती डुवानमा परेको छ । लगातारको बर्षाका कारण कर्णाली नदीको बहाब बढेसँगै बस्ती डुवानमा परेको हो । रामाघाट खोला किनारमा रहेका झण्डै १५ घर डुवानमा परेको स्थानीयले बताउनुभयो ।

हिल्सा नाका क्षेत्र दुई दिनदेखि सम्पर्कविहीन

चीनसँगको सीमा नाका हिल्सा नाका दुई दिनदेखि सम्पर्कविहीन भएको छ । अविरल वर्षा र सो क्षेत्रमा हिमपात भइरहेकाले सम्पर्कविहीन भएको हो । प्रहरी नायब उपरिक्षक हेरम्भ शर्माका अनुसार सोमबार बिहानबाट हिल्साको सीमा सुरक्षा चौकी सम्पर्क विहीन भएको बताउनुभयो ।

कर्णालीको बाढीले जितेको फेरी बगायो, बजार बगाउने खतरा

शनिवार रातीबाट लगातार परेको पानीका कारणले कर्णाली नदीको फेरी बगाएको छ । करिडोर निर्माणका लागि सामान ढुवानी गर्न कालीकोटका पाँच स्थानीय तहसँगै बाजुरा, हुम्ला र मुगुका नागरिकलाई दैनिक उपभोग्य समानका साथै यातायातका साधन तार्नका लागि जिते वजारमा जडान गरिएको फेरी कर्णाली नदीले बगाएको हो ।

लिमी, हिल्सा क्षेत्रमा एकफिट हिउँ, तापक्रम माइनस चार

चीनसँ गको सिमाना जोडिएको उत्तरी नाम्खा गाउँपालिकाको हिमालपारीको गाउँ लिमी, हिल्सा र यारी क्षेत्रमा हिमपात भएको छ । आईतबार बेलुकाबाट परेको बर्षासगै हिमपात सुरु भएको हो ।

कात्तिक ३ गते कर्णालीमा सार्वजनिक बिदा

कर्णाली प्रदेश सरकारले कात्तिक ३ गते प्रदेशभर सार्वजनिक बिदा दिने निर्णय गरेको छ । आन्तरिक मामिला तथा कानुन मन्त्रालयले सोमबार सूचना जारी गर्दै मन्त्रीपरिषद्को निर्णयअनुसार कात्तिक ३ गते पूर्णिमाको अवसरमा बिदा दिने निर्णय भएको जनाएको छ ।

अविरल वर्षाले हुम्लामा हवाई उडान अवरुद्ध

एक मात्र यातायातको साधन हवाई यातायात सोमबार अवरुद्ध भएको छ । आइतबार रातीबाट परेको अविरल वर्षाका कारण हवाई सेवा अवरुद्ध भएको बताइएको छ ।