किसानको खेतमा पानी पठाउन नगर प्रमुखको अगुवाइ

बाग्मती सिंचाई आयोजनाको पानी किसानको खेतसम्म पु¥याउन सर्लाहीको मलङ्गवा नगरपालिकाका प्रमुख निरसल साह सक्रिय भएर लागि पर्नुभएको छ । पर्याप्त आकाशे वर्षा नभएको र नहरमा पानी सुकेकाले किसानहरु समस्यामा परेपछि मेयर साह आफै नहरमा पानी ल्याउने कार्यमा खटिनु भएको हो । मलङ्गवासम्मको नहरमा पानी पु¥याईदिन माग गर्दै नगर प्रमुख साहसहितको टोलीले सोमबार बाग्मती सिंचाई आयोजनामा आएर ध्यानाकर्षण गराएको छ । यसबारेमा आयोजनाका...

प्रदेश १ मा एकै दिन तीन जनाको मृत्यु, ६४ सङ्क्रमित थपिए

प्रदेश १ सोमबार तीनजना कोरोना संक्रमितको मृत्यु भएको छ । वीपी कोइराला स्वास्थ्य विज्ञान प्रतिष्ठान धरानमा दुईजना पुरुष र कोशी अस्पताल विराटनगरको कोभिड–१९ उपचार केन्द्रमा एकजना पुरुषको मृत्यु भएको हो ।

बुटवलमा पनि प्लाज्मा थेरापीबाट कोरोना सङ्क्रमितको उपचार शुरु

कोरोना संक्रमितहरुको उपचारमा बिभिन्न अभ्यासहरु भइरहेका बेला बुटवलमा पनि संक्रमितलाई प्लाज्मा थेरापीनाट उपचार सुरु गरिएको छ । बुटवल उपमहानगरपालिका र लुम्बिनी प्रादेशिक अस्पतालको सहकार्यमा बुटवलमा सञ्चालित कोरोना बिशेष अस्थायी अस्पतालमा उपचाररत एक जना संक्रमितकोे प्लाज्मा थेरापीबाट उपचार सुरु गरिएको हो ।

प्रदेश ५ः जोखिमका क्षेत्र सिल, बन्दाबन्दीमा कडाई

कोरोना संक्रमणको जोखिम बढिरहँदा प्रदेश ५ का त्यस्ता जोखिमका केही क्षेत्रहरु सिल गरिएकाछन् । पछिल्लो पटक संक्रमित थपिएपछि रुपन्देहीका कञ्चन,गैडहवा लगायतका गाउँपालिकाका केही गाउँहरु सिल गरिएकाछन् । त्यस्तै जनप्रतिनिधि नै संक्रमित भएपछि पश्चिम नवलपरासीको पाल्हीनन्दन गाउँपालिका कार्यलय सिल गरिएको छ ।

धानबालीमा गवारो र डडुवा रोगले किसान चिन्तित

धान यो वर्ष निकै सप्रिएको थियो । पर्याप्त पानी परेका कारण यस वर्ष धान राम्रै फल्ने अनुमान किसानले गरेका थिए । सुनसरी चाँदबेलाका किसान देबनारायण चौधरी यो वर्ष धानको उत्पादन बढ्ने देखेर खुशी थिए । तर गाँज बढिरहेको बेलामा रोग देखिएपछि उहाँलाई चिन्ता परेको छ । “केही दिनअघिसम्म खेतमा लगाएको धान राम्रो थियो । अहिले गाँज बढिरहेको बेलामा केही ठाउँको धानमा गुवो काटिएको देखिएको छ”, उहाँले भन्नुभयो, “हामीलाई कीटनाशक औषधि...